Policia greke ka shkatërruar një nga organizatat më të mëdha, sa i përket grabitjeve, në Athinë. Në pranga kanë përfunduar 41 persona, të moshës nga 19-66 vjeç.
Mes të arrestuarve është dhe një shqiptar. Mbi 1000 forca policie kanë marrë pjesë në aksion, ndërsa dhe 48 persona janë shpallur në kërkim.
Policia helene thotë se janë bllokuar 600 mijë euro, mbi 120 kg flori, bizhuteri të shumta si dhe 60 automjete luksoze’, raporton tv Klan.
Organizata kriminale ndiqte rregulla strikte, të familjeve mafioze dhe ishte e ndarë në 5 nëngrupe. Përveç grabitjeve ata merreshin me dhe trafik droge, duke përdorur automjetet e shpejta si dhe shoferë profesionistë për t’i shpëtuar policisë.
