Presidenti Ilir Meta ka reaguar me anë të një postimi në rrjetet sociale për 10-vjetorin e liberalizimit të vizave për Shqipërinë me vendet e Bashkimit Europian.
Meta shkruan se është koha të mbrohet kjo arritje e madhe, ndërsa u bën thirrje shqiptarëve që të mos e braktisin vendin.
“Para 10 vitesh, realizuam një ëndërr, lëvizjen e lirë të shqiptarëve në Bashkimin Europian. Është koha për të bërë gjithçka për ta mbrojtur këtë arritje të madhe dhe për të bërë realitet aspiratën e çdo shqiptari për të anëtarësuar Shqipërinë në Bashkimin Europian. Mos e braktisni Shqipërinë, por bashkohuni për ta bërë një vend të denjë europian!”
