Qeveria do të japë 5 mijë lekë shpërblim për pensionistët për festat e fundvitit. Fondi në total kap shifrën e 34 milionë dollarëve shpërblim për pensionistët.
Kjo u bë e ditur nga kryeministri Edi Rama në konferencën e sotme për shtyp.
“Pavarësisht pengesave ne do të vendosim 34 mln dollarë tani për pensionistët. Nuk do heqim asnjë qindarkë nga ajo që kishim planifikuar të jepnim” u shpreh Edi Rama.
Duket qartazi se vendimi ka lidhje me zgjedhjet e 25 prillit, ku duket se përmes një shpërblimi të tillë, Rama do të tentojë të kërkojë edhe votat e pensionistëve.
Prej muajsh, kreu demokrat Lulzim Basha i propozoi Qeverisë që të miratojë një paketë ndihmash për pensionistët në përballimin e pandemisë së Covid-19, por ajo nuk u morr parasysh nga Rama, i cili duket se ka zgjedhur të zgjidhë thesin duke i dhënë një shpërblim për fundin e vitit.
Nga momenti kur ka ardhur si Kryeministër, Edi Rama nuk ka rritur pensionet, ndonëse ka pasur një rritje të shpenzimeve familjare për shkak të rritjes së kostos së jetesës.
