Drejtuesi i Lëvizjes Vetëvendosje në Tiranë, Boiken Abazi shprehet se në Euronews Albania se populli tashmë ka shkarkuar nga detyra Ardi Veliun.
Abazi theksoi se qeveria këtë vendim të popullit duhet ta zyrtarizojë duke bërë shkarkimin, hetimin dhe arrestimin e Ardi Veliut.
“Pas 5 ditësh protestash në Tiranë dhe në shumë qytete të Shqipërisë, një gjë është bërë shume e qartë, Ardi Veliu është i shkarkuar. Populli e ka shkarkuar Ardi Veliun. Populli ka vendosur vetë, ka vetëvendosur. Pritet vetëm që qeveria këtë vendim të popullit ta zyrtarizojë duke bërë shkarkimin, hetimin, deri në arrestimin e tij. Ajo çfarë i ka bashkuar njerëzit në këtë protestë ishte vrasja e Klodian Rashës në pragun e derës së shtëpisë dhe pas këtij krimi, tentativa për një tjetër krim institucional: mashtrimi dhe manipulimi i Policisë për të mbuluar vrasjen. Ardi Veliu po qëndron në krye të Policisë me dhunë, dhe këtë gjë qytetarët nuk e tolerojnë.”-shprehet Abazi.
