Janë mbyllur 45 minutat e para të dy ndeshjeve të orës 13:45 të vlefshme për javën e 8-të të Kategorisë Superiore.
Takimi mes Tiranës dhe Kastrioti që po luhet në “Selman Stërmasi” nuk ka prodhuar ende gola dhe skuadrat i janë drejtuar dhomave të zhveshjes me rezultatin e bardhë 0-0. Gjithsesi bardheblutë janë shfaqur dominues ndërsa për miqtë ka spikatur Harizaj i cili ka bërë disa pritje vendimtare.
Në ndeshjen tjetër mes Bylisit dhe Kastriotit janë shënuar plot tre gola, teksa ballshiotët kryesojnë 2-1. Bylisi krijoi shumë shpejtë një avantazh të dyfishtë falë golave të Ndrecës 7’ dhe Mehmetllaris 18’ ndërsa për krutanët ngushtoi rezultatin Devid në minutën e 42-të.
