Sulmuesi i Ajax-it, Quincy Promes, është arrestuar nga policia. Sulmuesi i krahut u ndal nga uniformat blu dhe ndodhet në paraburgim.
Ai është i përfshirë në një debat familjar me pasoja të rëndë. 28-vjeçari ka organizuar një festë familjare në fund të muajit korrik dhe aty ka nisur një sherr të fortë me një prej familjarëve të tij.
Acarimi ka qenë i madh, madje sulmuesi i Ajax-it ka përdorur thikën dhe e ka plagosur familjarin e tij. Ai i ka shkaktuar dëmtime fizike dhe nëse nuk do të ishte ndërhyrja e pjesëmarrësve situata mund të agravonte dhe më shumë.
Kushëriri i tij ka denoncuar rastin dhe Policia ka bërë veprimet e duhura. Promes rrezikon deri në 4 vite burg. Ai mund të shkatërrojë karrierën e tij. Futbollisti ishte mbrëmë titullar në ndeshjen kundër PEC Zëolle të fituar nga ekipi i tij. Sulmuesi shënoi golin e 2-0 në minutën e 11′ dhe luajti 90 minuta.
