Aktori i njohur Shia LaBeouf është akuzuar nga ish e dashura e tij, FKA Twigs për abuzim gjatë marrëdhënies së tyre.
FKA Twigs, emri i vërtetë i së cilës është Tahliah Debrett Barnett, ka ngritur padi, ku pjesë e akuzave janë: abuzimi seksual dhe emocional. Gjithashtu, FKA Twings ka thënë që aktori i ka ngjitur një sëmundje seksualisht të transmetueshme.
Ajo është shprehur se ylli i “Transformers”, ka qenë shumë xheloz dhe ka abuzuar me të shumë herë.
Në një intervistë me New York Times, FKA twigs, 32 vjeç, e karakterizoi përvojën e saj me Shia LaBeouf si gjënë më e keqe që ka kaluar ndonjëherë në jetë dhe tha se dëshironte të rriste ndërgjegjësimin për “taktikat që përdorin abuzuesit për të kontrolluar viktimat”.
Deri më tani, Shia nuk ka reaguar për akuzat nga ish-partnerja.
