Rreth orës 19:00, boksieri shqiptar Florian Marku, do të ndeshet me Jamie Stewart në ‘Wembley”, para duelit të gjigantëve, Joshua dhe Puleve.
Për herë të parë, Florian Marku do të zbresë në ring në natën ku përballen më të mirët e botës në boks në kategorinë e rëndë.
Boksieri shqiptar, duke folur për Sky Sports para ndeshjes me Jamie Stewart, deklaroi se ëndrra e tij është që një ditë të zbresë në ring në vend të Anthony Joshua dhe të luftojë për më të mirin e botës në kategorinë e rëndë.
Ndeshja kryesore sonte do të jetë mes Anthony Joshua dhe Kubrat Pulev, fituesi i rrëmben katër breza IBF, WBA, WBO dhe IBO që aktualisht janë të Joshuas.
“Është koha ime që të ju tregoi të gjithëve se kush jam. Objektivi im është të jem në maje, do t’i argëtojë tifozët, e di shumë mirë se çfarë duan ata”, u shpreh Marku.
I shtyrë nga gazetari që shqiptari të tregojë drejt në kamera kush është Marku, ai u përgjigj: “Florian Marku është kampioni i radhës i botës. Do ta shihni. Ndoshta tani mendoni se flas shumë, por kur të vij koha do t’ju tregojë të gjithëve se jam më i miri”.
Hearn e pyeti edhe për tifozët dhe mbështetjen që ka ai, kryesisht nga shqiptarët, dhe për mundësinë e mbushjes së stadiumit në Shqipëri për të cilin britaniku tha se ai është tepër i interesuar në aspektin biznesor që kjo të ndodhë.
‘Tifozët britanik nuk më njohin mirë, nuk jam i ri në këtë lojë, luftoj që nga mosha 12 vjeçare dhe kam qenë katër herë kampion bote.
Tifozët e mi e dinë se kush jam dhe më kanë ndjekur që nga fillimi, por tifozët e mi shqiptarë e bëjnë diferencën, ata i mbushin stadiumet kudo që shkoj’, tha ai.
‘Unë dua të ndeshem me çdo kënd që mendon që është më i miri në këtë divizion, mos mi sillni djemtë që kanë rekorde të këqija, dua të ndeshem me më të mirët, s’ka rëndësi se kush është, kur ata hyjnë në ring me mua, ndryshojnë’, përfundoi Florian Marku.