Avokati Adriatik Lapaj u shpreh mbrëmjen e sotme në emisionin Zonë e Lirë se me kualifikimin e veprës, që i është bërë efektivit të policisë që vrau Klodian Rashën, autori i krimit dënohet maksimumi 7 vite burg.
Lapaj tha se me këtë ngjarje u kalua vija e kuqe, pasi i është marrë jeta një personi.
“Jam dakord që familja e policit ndodhet nën presion, por nga ana tjetër një familjeje nuk do t’i kthehet më djali në shtëpi. Është tejkaluar vija e kuqe, është marrë jeta e një personi.
Do duhej që ndryshe të sillej ky organ i policisë së Shtetit, nga ana e Prokurorisë shpresoj të hetohen të gjitha rrethanat dhe të kualifikohet drejtë e vepra penale dhe të jepet dënimi i merituar.
Me kualifikim e veprës që i kanë dhënë ata, maksimumi 7 vjet mund të dënohet ai.
Mund të dali në rrugë pas 6 muajsh”, tha Lapaj.
Lidhur me dorëheqjen e Sandër Lleshajt nga posti i ministrit të Brendshëm, Lapaj tha se nuk është një dorëheqje e vullnetshme kjo, pasi erdhi si pasojë e atyre djemve dhe vajzave që dolën në rrugë.
