Disa të shoqëruar në Vlorë pas një konflikti ku ka pasur dhe të shtëna me armë zjarri.
Burime zyrtare nga policia bënë me dije se ngjarja ndodhi rreth orës 18:35, në lagjen “24 Maji”, Vlorë, ku pas një konflikti të çastit, dyshohet se është qëlluar një herë në ajër me armë zjarri.
Shërbimet e Policisë kanë shoqëruar në Polici disa persona që dyshohet se janë përfshirë në konflikt dhe po punohet për sqarimin e plotë të rrethanave të ngjarjes.
