Forcat policore ndaluan sot gazetarin Xhoi Malësia teksa filmonte protestën qytetare. Lidhur me ndalimin e gazetarit ka reaguar ish-deputetja Albana Vokshi, e cila akuzon militantët e Edi Ramës në rradhët e policisë, lidhur me ngjarjen.
“Shteti policor i Edi Ramës po mban peng prej më shumë se 3 orësh gazetarin e Ora News Xhoi Malësia.
Gazetari po raportonte live në protestë, kur u ndalua me dhunë nga militantët e Edi Ramës në polici.
Arsyeja e vetme e arrestimit: pengimi për informimin e publikut për protestat e qytetarëve të lirë ndaj një pushteti të kalbur e në ikje, që të vret natën e të qan ditën”, shprehet Vokshi.
Sipas saj, problemi i vërtetë nuk është një anëtar i kabinetit qeveritar, por Edi Rama.
“Në 7 vjet ai ndërtoi shtetin policor kundër qytetarëve dhe tani që i ka ardhur fundi, po arreston të rinj, gazetarë, opozitarë. Boll më! Lironi gazetarin Xhoi Malësia! Lirinë nuk ia falim Edi Ramës!”, shprehet Vokshi.
