Kukësi e nisi me dy humbje sezonin e ri në Superiore, por ia ka dalë të kthehet te rezultatet pozitive. Momenti i mirë në kampin verilindor, teksa skuadra e Skënder Gegës ka fituar katër ndeshjet e fundit dhe renditet në vend të dytë, 3 pikë larg Vllaznisë kryesuese.
Entuziazmi është rikthyer te tifozët, teksa vazhdojnë punimet në stadiumin “Zeqir Ymeri”. Projekti fillestar ka pësuar disa ndryshime, por do të jetë gati për sezonin e ri, me Kukësin që do të kthehet pas një kohe të gjatë luajë në shtëpi.
Stadiumi ka marrë formën e vet sa i përket strukturës,teksa pritet të kompletohet edhe tribuna pas porte. Fusha është drenazhuar dhe pret vendosjen e tapetit, ndërkohë që po punohet edhe me ambientet e brendshme.
