Interi nuk shkoi më shumë se një barazim pa gola në shtëpi ndaj Shakhtar Donetsk duke u eliminuar nga Champions League.
Jo vetëm kaq, por zikaltërit gjithashtu nuk mundën të siguronin as një vend në Europa League teksa u renditën të fundit në Grupin B.
Nga ana tjetër, në po të njëjtin grup bënte pjesë edhe Real Madrid që siguron kualifikimin pas një suksesi 2-0 ndaj Borussia Monchengladbah në Valdebebas. Takimin e vendosën dy golat e Karim Benzema në pjesën e parë.
Skuadra e Zinedine Zidane duhet të fitonte finalen e saj dhe ia doli më së miri, duke dominuar që në fillim dhe mbyllur llogaritë shumë shpejt, në vetëm 30 minuta.
Kështu, fantazmat u larguan dhe skuadra “blancos” kualifikohet si e para e grupit. Skuadra tjetër e kualifikuar në këtë grup janë gjermanët e Monchegladbach, ndërsa Shakhtar kalon në Europa League.
