Mjeku Pëllumb Pipero thotë se situata në spitale është normale, ashtu si në çdo vend të botës në këtë situatë. Ai justifikoi vetëvrasjet nga spitalet Covid në Shqipëri me gjendjen e pacientëve. Për këtë ai solli edhe një rast të ndodhur këtë të hënë.
“Po ju them edhe një rast që më ka ndodhur mua sot. Shërbimi në spital është më i miri i mundshëm. Shihni çfarë ndodh në spitalet jashtë. Duke bërë vizitën sot në mëngjes, një paciente e shëruar që ishte për të dalë sot nga spitali dhe që më duket e ka dalë sot pasdite nga spitali më tha: “Nëse nuk më nxirrni sot nga spitali unë do të hidhem nga kati i tretë”- tha Pipero.
Gjithsesi mjeku e pranoi se të intubuarit në Shqipëri kanë shumë pak shanse të mbijetojnë.
“Tek të intubuarit përqindja e humbjes së jetës është shumë e lartë kudo. Ne e kemi shumë më të lartë. Intubimi është një fazë ekstreme për të tentuar shpëtimin e jetës. Në të gjithë botën tentohet që të shmanget intubimi. Në atë moment mushkëria pothuajse është ezauruar e gjitha” – tha Pipero në Opinion.
