Ambasadorja amerikane në Tiranë Yuri Kim thotë se nuk ka asnjë arsye që Gjykata Kushtetuese të mos jetë funksionale deri në fund të vitit.
Në një status në rrjetet sociale, diplomatja tha se gjithçka është çështje vullneti. Ndërsa u shpreh se KED duhet të mblidhet këtë javë për të përfunduar vlerësimin e kandidatëve dhe më pas të dërgojë listën te Presidenti dhe Parlamenti.
Proceset duhet të respektohen, por jo të keqpërdoren, thotë Kim.
“Këshilli i Emërimeve në Drejtësi duhet të mblidhet këtë javë për të përfunduar vlerësimin dhe për të dërguar listën e kandidatëve në Presidencë dhe Parlament.
Proceset duhet të respektohen, por jo të keqpërdoren. Nuk ka asnjë arsye praktike që Gjykata Kushtetuese nuk mund të jetë funksionale deri më 31 dhjetor. Është çështje vullneti. Udhëheqësit duhet të tregojnë vullnetin e tyre të vërtetë”, shkruan Yuri Kim.
