Një aksident tragjik rrugor me pasojë vdekjen e 3 familjarëve ka ndodhur në Itali. Aksidenti ndodhi të shtunën në mbrëmje pranë Milanos.
Tre persona, anëtarë të së njëjtës familje, kanë humbur jetën si pasojë aksidentit, një vajzë 12-vjeçare dhe prindërit e saj.
Familja po udhëtonte me një automjet tip “Honda Jazz” kur u përplas me dy makina të tjera.
Fillimisht humbi jetën nëna, 39 vjeçe, ndërsa babai 41 vjeç dhe vajza u transportuan në spital por fatkeqësisht nuk mbijetuan dot.
Sipas mediave italiane, në gjendje të rëndë në spital ndodhen edhe dy fëmijët e tjerë të çiftit, një djalë 16 vjeçar dhe një vajzë 10-vjeçare.
