Këngëtari i njohur Jeremih ka fituar luftën me Covid-19, pas një beteje të ashpër.
“Së pari dhe më e rëndësishmja, unë do të doja të falënderoja Zotin dhe ekipin e mjekëve dhe infermierëve në Spitalin Northwestern për shpëtimin e jetës time. Unë do të jem përgjithmonë mirënjohës”– tha këngëtari i R&B për TMZ.
“Unë gjithashtu do të doja të falënderoja familjen dhe miqtë e mi për të gjitha lutjet dhe urimet e tyre. Një falënderim i veçantë për Chance The Rapper, 50 Cent dhe Diddy për dashurinë dhe mbështetjen e tyre”- shtoi 33-vjeçari.
“Unë jam duke u bërë më i fortë çdo ditë dhe mezi pres të kaloj kohë me fëmijët e mi”, shtoi më tej reperi.
Në nëntor, muzikanti ishte në kujdes intensiv dhe raportohej se ishte në gjendje të rëndë shëndetësore.
