Persona të paidentifikuar kanë grabitur makinën e Presidentit të klubit të Kukësit Safet Gjici, mbrëmjen e djeshme në rrugën e Kavajës në Tiranë.
Grabitësit kanë marrë sende me vlerë brenda automjetit tip Toyota me targa AA 100 LA i cili ka qenë i parkuar pranë zgarës korçare, një çantë me 2 milionë Lekë të vjetra, një celular, një kartë identiteti dhe një kartë banke të Safet Gjicit.
Denoncimi në polici për këtë ngjarje është bërë nga 33-vjeçari Rrahman Lushi. Nuk dihet nëse Safet Gjici ka qenë së bashku me 33-vjeçarin kur ka ndodhur grabitja.
Rrahman Lushi që bëri denoncimin është shoferi i presidentit të Kukësit, Safet Gjici. Policia e Tiranës ka nisur hetimet për të zbuluar autorët e kësaj grabitje.
