Ish kryeministri Sali Berisha nuk ka kursyer asgjë duke ju drejtuar Ramës nga foltorja e parlamentit për ekonominë, kanabisin apo ligjin e mbetjeve.
Por ashtu siç rëndom ndodh kryeministri Rama është çuar nga karrigia dhe është larguar. Edhe kjo lëvizje nuk ngeli pa u komentuar nga Berisha.
“Ik se nuk rri dot. Mos ke nevojë për ndonjë uturak. Është i vetmi njeri që srri dot. Ulet dhe ngrihet nga karrigia”, tha Berisha.
Më tej Berisha ka treguar në Parlament përse Kryeministri Edi Rama i lutet kryetarit të Kuvendit Ilir Meta.
Sipas Berishës, dekreti i kthyer nga Presidenti për ligjin e importit të mbetjeve qëndron në Kuvend dhe nuk risillet në Parlament për t’u votuar, pasi Rama ka frikë se nuk votohet siç ndodhi disa seanca më parë.
“Ky njeri është i marrë fund, shkon e i ulet Ilir Metës me orë të tëra që të mos e sjellë dekretin se përndryshe bie. Qull është bërë”, u shpreh Berisha nga foltorja e Parlamentit.
