Finalizohet operacioni policor i koduar “Muzgu 5”, që çoi në pranga 2 persona për transport të paligjshëm të refugjatëve. Burime zyrtare nga policia e Gjirokastrës bënë me dije se pas hekurave ranë shtetasit me inicialet S. D., 34 vjeç, banues në Maminas dhe S. B., 25 vjeç, banues në Kuçovë.
Të rinjtë u kapën në afërsi të fshatit Vanistër, duke transportuar në bashkëpunim me njëri-tjetrin, 6 emigrantë të paligjshëm, në drejtim të Tiranës, me mjetin tip “Volkswagen”.
Në cilësinë e provës materiale u sekuestrua automjeti. Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme, njoftoi policia.
