Vaksina antiCOVID-19 e Moderna-s prodhon antitrupa që vazhdojnë 90 ditë pas vaksinimit, një lajm i mirë pasi autorizimi i tij po studiohet në disa vende, sipas studimit të botuar sot në “New England Journal of Medicine”.
Kohëzgjatja e mbrojtjes është padyshim më e gjatë, por këto janë të dhënat e para për një periudhë disa mujore, të vërtetuara në mënyrë të pavarur nga një revistë shkencore.
Studiuesit nga Instituti Kombëtar i Shëndetit testuan nivelin e dy llojeve të antitrupave ndaj koronavirusit të ri 90 ditë pas dozës së dytë të vaksinës, e cila vetë jepet 28 ditë pas të parës.
Ata vunë re një rënie të lehtë dhe të pritshme të nivelit të antitrupave në pjesëmarrësit e vaksinuar, por në një nivel që mbeti i lartë, si edhe mbi imunitetin natyror të vërejtur në ish-pacientët e shëruar nga COVID-19.
Përveç kësaj, nuk u vunë re efekte anësore serioze në të ashtuquajturën prove të fazës 1, që filloi në mars.
