“Një ditë do luajmë së bashku atje lart në parajsë”, ishin fjalët e Pele kur mori vesh se kundërshtari i tij më i madh në garën e më të mirit në histori, Maradona, ndërroi jetë. Kjo ndodhi një javë më parë në shtëpinë e Diego në Tigres, pas atij arresti kardiak.
Pele është ende shumë i lënduar nga ikja e argjentinasit dhe së fundmi e ka treguar pikëllimin e tij në një postim të ndjerë në Facebook. Pele i thotë për herë të parë Maradonës se e do.
“Sot kanë kaluar shtatë ditë që kur u largove. Shumë njerëz donin të na krahasonin gjithë jetën e tyre. Ti ishe një gjeni që magjepsi botën. Një magjistar me topin në këmbë. Një legjendë e vërtetë. Por mbi të gjitha, për mua ti do të jesh gjithmonë një mik i shkëlqyer me një zemër të madhe.
Sot, unë e di se bota do të ishte shumë më mirë nëse ne të do krahasoheshim më pak njëri-tjetrin dhe të fillonim të na admironin më shumë. Kështu që, dua të them ti je i pakrahasueshëm.
Trajektorja jote u shënua nga ndershmëria. Dhe në mënyrën tënde unike dhe të veçantë, na mësove se duhet të duam dhe të themi “të dua” shumë më shpesh. Largimi i shpejtë i yti nuk më la të ta them, kështu që unë thjesht do të shkruaj: Të dua, Diego.
Shoku im i madh, shumë faleminderit për tërë udhëtimin tonë. Një ditë në parajsë do të luajmë së bashku në të njëjtën skuadër. Dhe do të jetë hera e parë që ngre grushtin tim lart si triumf në fushë pa festuar një gol. Do të jetë sepse më në fund mund të të përqafoj përsëri”, shkruan Pele në rrjetet sociale.
