Real Madrid pësoi një humbje shokuese mbrëmjen e sotme ndaj Shakhtar Donetsk me shifrat 2-0 dhe vështirësoi shumë çështjen e kualifikimit në fazën me eliminim direkt në Champions League.
Pas ndeshjes për mediet foli Zidan, të cilit menjëherë iu shtrua pyetja e dorëheqjes dhe francezi u përgjigj prerë.
“Jo, nuk do të jap dorëheqjen dhe do të vazhdojmë. Në pjesën e parë ishim shumë mirë. Do të kishte ndryshuar shumë nëse do të shënonim golin e parë. Goli i parë na lëndoi shumë sepse ishim duke luajtur mirë. Kishim dy ose tre mundësi, goditëm edhe shtyllën. Sikur s’donte të hynte në portë dhe ishte e vështirë.
Kemi pasur momente delikate dhe do t’i kemi gjithmonë. Është një kohë e keqe përsa i përket rezultateve. Ky është realiteti. Duhet të vazhdojmë. Ishte si një finale, e përgatitëm shumë mirë, kaluam një pjesë të parë të mirë, por ne e dimë se kjo ndeshje duhej të fitohej. Në këtë klub do të ketë gjithmonë momente delikate.
Kam forcë të qëndroj në krye të këtij ekipi dhe do të jap gjithçka, si gjithmonë. Në La Liga ne nuk e meritonim të fitonim, por sot po. Ky është futbolli. Duhet të ngresh kokën dhe të mendosh për ndeshjen e radhës, nuk ka tjetër ilaç.
