U luajtën mbrëmjen e sotme 6 sfidat e vlefshme për grupet e Ligës së Kampionëve ku u regjistruan në total 13 gola. Padyshim që vëmendja më e madhe ishte në Gjermani në përballjen Borusia Mynshenglabah-Interit.
Zikaltërit e Contes, arritën një fitore dramatike 2-3, falë edhe ndihmës së VAR-it. 5 minuta nga fundi gjermanët barazuan shifrat me sulmuesin Plea, por goli u anulua me VAR për pozicion jashtë loje. Ky ishte triumfi i parë në Champions për Interin këtë sezon.
Gjithsesi Interit do t’i duhet ende punë për t’u kualifikuar. Përveç se janë të detyruar të fitojnë ndaj Shakhtar në ndeshjen e fundit, fati i zikaltërve varet edhe nga mes Realit dhe Monchegladbach. Një barazim në këtë përballje do të eliminonte Interin.
Ndërkohë për sa i përket sfidave të tjera të zhvilluara mbrëmjen e sotme, Liverpool dhe Marseille triumfuan në shtëpi, përkatësisht kundër Ajaxit dhe Olimpiacos.
Ndërkohë ka zhgënjyer në shtëpi Atalanta e Gjimshitit, që nuk ka shkuar më shumë se barazimi 1-1 ndaj danezëve të Midtjylland. Në barazim u mbyllën edhe 2 sfidat e tjera, Atletiko-Bayern dhe Porto-Man.City.
