Pasditen e sotme në rubrikën “Shihemi në gjyq” te “E diela shqiptare” një çift u përballën me njëri-tjetrin. Bashkëshortja kishte thirrur të shoqin në seancën e ndërmjetësimit, për ta bindur që të birësonin një fëmijë. Ai nuk pranonte, pasi donte që të rriste fëmijë të gjakut të tij.
Pas 17 vitesh martesë, çifti nuk kishin mundur të sillnin në jetë një fëmijë. Ata ishin vizituar dhe sipas doktorëve gjithçka ishte në rregull. Teksa e shoqja i foli për birësimin, burri i përmendi divorcin në studio.
Pjesë nga biseda në studio:
Alfredi: Kjo zonja Polikseni, ka ardhur në televizionin Klan, ka takuar dhe zonja Enin.
Polikseni: Fredi po kam kaluar shumë strese, të lutem.
Alfredi: Po unë nuk jam në stres? Poliksen dëgjo këtu, për mendimin tim drejtohu zonja Enit, ne po i fusim një ndarje në Tv Klan.
Polikseni: Jo absolutisht jo, për ndarje nuk jam të lutem.
Alfredi: Për çfarë po më lutesh mua moj?
Ardit Gjebrea: Çfarë kërkon ti nga Alfredi?
Polikseni: Dua që të birësojmë një fëmijë, a nuk është gjesti më i mirë, që ta rrisim bashkë dhe dashuria do na shtojë shumë.
Alfredi: O Poliksen, jam burri unë, të flas një herë?
Ardit Gjebrea: Pse nuk do ti Alfred?
Alfredi: Nuk dua të birësoj një fëmijë, presim fëmijën tonë, gjakun tonë që ta rrisim. Të lindim një herë fëmijën tonë, ta rrisim pastaj le të birësoja gruaja fëmijën që dëshiron.
Ardit Gjebrea: Po pse çfarë të keqe ka që ta bësh më përpara?
Alfredi: E kam shumë të vështirë, dua të rris fëmijën tim.
Polikseni: Motra ime mi di hallet, më tha ta kisha dit që do vuaje kaq shumë ta kisha nisur fëmijën që nesër. Procesi i birësimit të ishte bërë më përpara, jo tani.
Alfredi: Pse qan moj, se ke sjellë burrin në Tv Klan, që më ke ulur si burrë?
Polikseni: Jo absolutisht jo.
Ardit Gjebrea: Fredi nuk besoj se të ulet autoriteti i burrit sepse këtu nuk u tha asnjë gjë që të të ulet autoriteti ty.
Alfredi: Kështu e gjykoj unë zoti Ardit, të lutem shumë.
