Policia e Tiranës ka vënë në pranga Adrian Shima, 27 vjeç, banues në Tiranë pasi u kap në flagrancë duke vjedhur në një dyqan ushqimor. Specialistët e Komisariatit të Policisë Nr 5 ne Tiranë kanë verifikuar se Shima ka qenë i dënuar edhe më parë për “vjedhje”.
Arrestimi i tij u bë sepse rreth orës 11:00, të datës 31.10.2016, ka hyrë në dyqanin ushqimor të shtetases V. M., duke marrë një sasi paketash cigare të markave të njohura dhe është larguar me shpejtësi nga vendi i ngjarjes.
Nga veprimet e para hetimore këtij shtetasi i janë dokumentuar me prova ligjore dhe dyshohet se është autor i disa ngjarjeve të ndodhura në juridiksionin e këtij Komisariati. “Tch” ka publikuar edhe videon e nje rasti grabitje nga Shima, ku eshte identifikuar me fytyre nga Policia.
Më konkretisht:
Ngjarja e datës 14.03.2016, ku është vjedhur telefoni tip “Samsung S4” në pronësi të shtetases A. K. Ngjarja e datës 03.08.2016, ku është vjedhur telefoni tip “Samsung Galaxy S3”, në pronësi të shtetases F. M.
Ngjarja e datës 13.10.2016, ku janë vjedhur 35.000 lekë, në automjetin në pronësi të shtetasit M. I. Ngjarja e datës 23.10.2016, ku është vjedhur varësja e floririt e shtetases A. H. Materialet proçeduriale i’u kaluan Prokurorisë prane Gjykates së Shkalles parë Tiranë për veprën penale të “Vjedhjes”, parashikuar nga Neni 134 i Kodit Penal
