Ahmet Gjanaj, deputeti i parë shqiptar në parlamentin belg i ka dërguar një letër proteste Komisionerit të BE-së për Politika të Fqinjësisë Evropiane dhe Negociata të Zgjerimit, Johannes Hahn.
Në letër, deputeti shqiptar në parlamentin belg i ka kërkuar zyrtarit të BE-së sqarime në lidhje me kërcënimet e Athinës ndaj Shqipërisë, pas deklaratës së Hahn për ekzistencës së çështjes çame si çështje e hapur mes dy vendeve.
Ahmet Gjanaj në letrën e tij ngre disa pyetje për eurokomisionerin, ndërsa kërkon që Athina të mbajë përgjegjësi në lidhje me deklarata e fundit. /tvklan.al
