Kreu i Partisë Agrare Ambientaliste, Agron Duka ka zhvilluar një takim me ekspertë mjedisorë dhe përfaqësues të shoqërisë civile. Në fokus të këtij takimi ishte ligji i mbetjeve.
Duka ka shprehur dakordësinë e tij që për këtë çështje të bëhet moratorium. Duka theksoi se është kundër këtij ligji, pasi ai i prek të gjithë. Ndër të tjera ai pohoi se do të ndikojë edhe tek forcat e tjera dhe deputetë që t’i thonë ‘jo’ këtij ligji.
Nga ana tjetër kreu i PAA-së u ndal edhe tek çështja që lidhet me hidrocentralin e Poçemit, ndërsa shtoi se ai do të merremi seriozisht.
“Hidrocentrali i Poçemit, të merremi seriozisht. 2250 ha tokë përmbyten nga ky hidrocentral. Do takojmë banorët e zonës për këtë VKM”, tha Duka. Po ashtu ai u shpreh kundër ndërtimit në zonat e mbrojtura të HEC-ve, si në atë të Vjosës apo dhe në Valbonë. Ndërsa përfaqësues të shoqërisë civile iu përgjigjën se: “Do vazhdojmë ketë rrugëtim bashkë”.
