Ndarja nga jeta e Diego Armando Maradona tronditi mbarb botën.
Së fundmi, këngëtarja e njohur Laura Pausini, është shprehur se vëmendja për yllin argjentinas, nuk i ka dhënë rëndësi Ditës Ndërkombëtare për Eliminimin e Dhunës ndaj Grave.
“Në Itali bën më shumë lajm lamtumira e fundit që i jepet një burri, sigurisht shumë i zoti për të luajtur futboll, por shumë pak i vlerësueshëm për një mijë gjëra personale të bëra publike, sesa lamtumira që u jepet shumë femrave të keqtrajtuara, dhunuara, abuzuara. Sot ato nuk janë lajmi më i rëndësishëm i këtij vendi, edhe pse këtë mëngjes kanë humbur jetën edhe dy femra të tjera. Me të vërtetë që nuk e di çfarë të mendoj më”, shkruante këngëtarja në një postim në Instagram.
Pas komenteve të shumta, Pausini u detyrua ta fshihte postimin, duke dhënë më pas një sqarim se ishte keqkuptuar nga publiku.
