Prokuroria greke po heton për krim lidhur me vdekjen e shqiptar Pëllumb Marnikollaj në një komisariat policie në Greqi.
Prokuroria e vendit fqinj ka rikthyer për hetim në polici dosjen e vdekjes së Marnikollajt, duke ndryshuar aktakuzën nga vetëvrasje në krim.
Marnikollaj humbi jetën më 3 gusht në Greqi. Sipas versionit të dhënë nga policia greke vdekja e 30-vjeçarit erdhi si pasojë e vetëhedhjes nga kati i tretë i komisariatit ku po mbahej.
Ndërkohë, familjarët e Marnikollajt pretenduan që në fillim se i afërmi i tyre ndërroi jetë për shkak të dhunë së ushtruar nga policia greke.
