Diego Armando Maradona u nda nga jeta ditën e sotme. Ikona e futbollit i mbylli sytë përgjithmonë në moshën 60-vjeçare.
Ai pësoi një atak kardiak në shtëpinë e tij në Argjentinë. Maradona kishte kaluar para 2 javësh një operacion në tru dhe e kishte përballuar me sukses sipas asaj që thonin mjekët.
Reagimi i parë që vjen nga Argjentina është i Federatës së futbollit. Ata kanë postuar foton e Maradonës me Kupën e Botës të fituar në 1986. “Lamtumirë, Diego. Do të mbetesh në zemrën e çdo futbolldashësi në të gjithë botën”, – shkruhet në postim.
