Kreu i Komisionit të Sigurisë, deputeti i LSI, Spartak Braho ka akuzuar Shërbimin Informativ Shtetëror se ka shkelur ligjin duke përgjuar titullarë institucionesh dhe zyrtarë të lartë.
Sipas tij këtë e ka bërë nën hundën e prokurorisë, ndërsa shtoi duhen bërë menjëherë ndryshimet ligjore për raportimin e agjencive inteligjente, pasi SHISH refuzon kontrollin dhe llogaridhënien.
Braho shtoi se SHISH ka dy vite që nuk raporton në Kuvend dhe se më herët ka refuzuar kontrollin parlamentar. Kreu i Komisionit të Sigurisë i bëri deklaratat gjatë tryezës ‘Kuvendi dhe Institucionet e pavarura’.
