Nuk ndodh shpesh që drejtori i OBSH-së, të flasë pozitivisht për pandeminë. Përgjatë këtyre muajve në çdo dalje të tij, ai ka paralajmëruar se situata do të shkojë drejt përkeqësimit.
Por jo më në daljet e fundit, që kur vaksinat treguan rezultate efektive. Ndërsa në një dalje para disa ditësh ai u shpreh se ka dritë në fund të tunelit, së fundmi ai është shprehur se kjo dritë është çdo ditë e më e shndritshme.
“Tani ka shpresë të madhe që vaksinat, së bashku me masat e tjera mund të ndihmojnë në përfundimin e pandemisë”, tha drejtori i përgjithshëm i OBSH-së, Tedros Adhanom Ghebreyesus, në konferencën e fundit.
“Drita në fund të këtij tuneli të gjatë e të errët, po bëhet më e ndritshme pas lajmeve të mira të fundit për vaksinat. Asnjë vaksinë në histori nuk është zhvilluar kaq shpejt. Komuniteti shkencor ka vendosur një standard të ri për krijimin e vaksinave,” tha ai.
