Shifër rekord është shënuar në 24 orët e fundit në qarkun e Korçës. 88 raste të reja është shifra mes testimeve të kryera në qarkun e Korçës, ndërsa rastet ndahen në 4 Bashki.
Përkatesisht 52 në Korçë,29 në Pogradec,4 në Kolonjë dhe 3 në Devoll,ndersa janë shënuar dhe 2 humbje jete në bashkinë e Korçës.
Ajo që vihet re mes rasteve të afishuara ditën e sotme nga ministria është se vijon te rritet numri i infektimeve në institucionet arsimore.
Nga 52 rastet në Bashkinë e Korçës, 10 prej tyre janë mësues duke e çuar numrin e mësuesve aktivë mbi 50.
Po ashtu nga 29 rastet e sotme të qytetit të Pogradecit 2 prej tyre janë mësues, çka e bën numrin ne total të mësuesve aktive të infektuar në 16.
Mësues të infektuar ka patur edhe në shkollat e qytetit të Kolonjës, por nuk ka një shifër ekzakte pasi nga drejtoria e shëndetit publik të kësaj bashkie informacioni është tejet i rezervuar.
Numri në total për gjithë qarkun e Korçës ka shkuar në 934, ndërkohë që afro 80 prej tyre janë mësues.
