Ngadalësimi i aktiviteteve industriale për shkak të pandemisë kanë ulur emetimet e ndotësve, por kjo nuk ka mjaftuar për uljen e niveleve të gazit serë në atmosferë. Sipas Organizatës Meteorologjike Botërore (WMO), kjo gjë do të kërkojë vite për t’u materializuar.
Kjo do të thotë që pandemia dhe ndalimi i aktiviteteve nuk janë të mjaftueshme për të rritur cilësinë e ajrit dhe as zgjidhje për ndryshimet klimatike.
WMO paraqiti një raport në të cilin tregohet se emetimet gjatë periudhës së izolimit ranë me 17%, ndërsa gjatë harkut kohor të këtij viti mesatarja është 4.2 % deri në 7.5%. Përqendrimet e CO2 do të vazhdojnë të rriten, megjithëse me një ritëm pak të zvogëluar.
Kryetari i WMO, Petteri Taalas përshëndeti ndërkohë zotimet e disa vendeve për t’u përqëndruar në teknologjitë miqësore me klimën ndërsa kërkojnë të ringjallin ekonomitë e tyre pas krizës së koronavirusit.
