Policia e Kosovës ka arrestuar dy shqiptarë në fshatin Lluzhan të Podujevës, njeri shqiptar nga Kosova dhe tjetri, shqiptar nga Shqipëria me tre valixhe dhe dy thasë të mbushur me 50 kg marihuanë.
Policia e Kosovës njoftoi sot se më datë 31 tetor 2016, ka ndërmarrë një operacion kontrolli në fshatin Lluzhan KK Podujevë. Gjatë kontrollit të makinave është ndaluar një makinë me targa vendore, të cilën e ngiste një mashkull me kombësi shqiptare.
Pas kontrollit të makinës,janë gjetur tri valixhe dhe dy thasë najloni të zi me 45 paketime të cilat ishin të mbushur me substancë të dyshuar narkotike marihuanë, me sasi rreth 50 kg.
Më pas është arrestuar edhe një mashkull nga Shqipëria i cili dyshohet se është i përshirë në këtë rast.
Është konfiskuar substanca e mësipërme, kater telefona celularë dhe vetura Audi me targa vendore me të cilën është kryer transporti i marihuanës.
Personat e arrestuar janë:
A. B., lindur me 1975
E. C., lindur me 1967
Me vendim të prokurorit kompetent të dyshuarve u është caktuar masa e ndalimit prej 48 orësh.
