Të hënën, në Kosovë, janë konfirmuar edhe 645 raste të reja të të infektuarve me koronavirusin e ri.
Sipas raportit të Institutit Kombëtar të Shëndetësisë Publike, të dhënat janë në bazë të 1 542 testimeve.
Gjatë 24 orëve të fundit, janë regjistruar edhe 12 vdekje të lidhura me COVID-19.
Autoritetet shëndetësore kanë konfirmuar shërimin edhe të 353 pacientëve ndërsa raste aktive janë 12.618.
Që nga fillimi i pandemisë në Kosovë janë infektuar gjithsej 34.940 persona, prej të cilëve 926 kanë vdekur ndërsa 21.396 janë shëruar.
