Komiteti Teknik i Ekspertëve mbi situatën e Covid njoftoi këtë të Hënë se mësimi në universitete do vijojë online deri në një vlerësim të dytë.
Në një deklaratë për mediat, anëtarë të komitetit kërkuan respektimin e rregullave anti-covid dhe këshillat e dhëna nga autoritetet për parandalimin e përhapjes së koronavirusit.
Në deklaratë, u tha se ka një rritje të lehtë të të infektuarve, ndërsa nuk u lajmëruan masa të tjera.
Zëvendësministrja e Shëndetësisë Mira Rakacolli bëri me dije se deri më tani nuk ka një vendim për mbyllje të shkollave.
Rakacolli shtoi se nuk duhet të ketë frikë për mungesë të kapaciteteve spitalore.
