Nga momenti që pandemia e Covid-19 u përhap edhe në Shqipëri, herë pas here ka pasur debati mbi shifrat e publikuara nga Qeveria lidhur me numrin e pacientëve të prekur, apo numrin e vdekjeve. E ndërsa në 3-4 muajt e parë Qeveria akuzohej se në raportimet e saj po deklaronte shifra të fryra, sot ajo akuzohet se po fsheh rastet, veçanërisht humbjet e jetëve.
Kreu demokrat Lulzim Basha, referuar një dokumenti që sipas tij, ka dalë nga morgu i QSUT, numri i viktimave është pothuajse 2 herë më i lartë se ai i deklaruar nga Ministria e Shëndetësisë. Kryeministri Edi Rama e ka cilësuar si jo të vërtetë këtë denoncim të Bashës, ndërsa prokuroria nuk ka marrë ndodnjë hetim.
Në kulmin e debatit, akademiku Artan Fuga, përmes rrjeteve sociale, ka sjellë në vëmendje, një deklaratë të Kristian Peronë, anëtar i Komiteti teknik në një vend europian, i cili shpreh mendimin se në Europë ka një rritje artificile të numrit të të deklaruarve me Covid-19.
“Ka një rritje artificiale – shkruan Peronë – të numrit të të deklaruarve me Covid19 në Europë edhe për shkak të dy faktorëve:
1. Ka shtete në Europë që për të marrë subvencione, ushtrojnë presione mbi familjarët që persona të vdekur nga sëmundje të tjera të shpallen të vdekur nga Covid 19 dhe për këtë u bëhet presion familjarëve ose u ofrohen edhe parà.
2. Ka spitale dhe vende që të sëmurë nga Covid 19 i testojnë dy ose edhe më shumë herë që të rrisin artificialisht numrin e të infektuarve pikërisht për të marrë subvencione, ndihme financiare”, poston Fuga në rrjet.
Ndërsa beson në atë që eksperti shkruan, Fuga thekson se “uroj që këto dukuri të mos ketë ndodhur në vendin tonë, pra as të shtohet dhe as të ulet artificialisht numri i të infektuarve duke i deklaruar dy herë, ta zemë në privat dhe në publik, as të shtohet dhe as të ulet artificiaalisht numri i të vdekurve nga Covid!”.
Postimi nga Artan Fuga
Kur ulet, por edhe kur ngrihet artificialisht numri i atyre që kanë humbur jetën nga Covid19!
—————–
Interesante, një nga antarët e komitetit teknik kombëtar të një vend europian, Kristian Peronë, në një intervistë në Youtube thekson ndêr të tjera:
Ka një rritje artificiale – shkruan ai – të numrit të të deklaruarve me Covid19 në Europë edhe për shkak të dy faktorëve:
1. Ka shtete në Europë që për të marrë subvencione, ushtrojnë presione mbi familjarët që persona të vdekur nga sëmundje të tjera të shpallen të vdekur nga Covid 19 dhe për këtë u bëhet presion familjarëve ose u ofrohen edhe parà.
2. Ka spitale dhe vende që të sëmurë nga Covid 19 i testojnë dy ose edhe më shumë herë që të rrisin artificialisht numrin e të infektuarve pikërisht për të marrë subvencione, ndihme financiare.
Unë nuk e di se sa të sigurta janë provat që ky mjek i shquar ka në dispozicion, por mendja ma ha se nuk flet kot!
E dyta uroj që këto dukuri të mos ketë ndodhur në vendin tonë, pra as të shtohet dhe as të ulet artificialisht numri i të infektuarve duke i deklaruar dy herë, ta zemë në privat dhe në publik, as të shtohet dhe as të ulet artificiaalisht numri i të vdekurve nga Covid!
Këto që thotë ky mjek i shquar, atje ku kanë ndodhur, nuk e di se ku, janë veprime kriminale, korrupsion dhe mashtrim publik!
Larg nesh këto! – uroj.
