Ditën e sotme luhen 6-të takime të vlefshme për javën e 3-të të Kategorisë së Parë.
Në grupin A, Burreli dhe Korabi luajnë në shtëpi dhe fitoret i kanë detyrim, nëse synojnë ngjitjen në Superiore. Matjanët presin Partizanin B, kurse dibranët Vorën.
Sot luan edhe Dinamo, që në shtëpi me Orikun nuk i lejohet hap fals. Gjithsesi vlonjatët duhen vlerësuar, pasi kanë treguar se janë një “kockë e fortë” për këdo në të Parën. Takimi tjetër për sot është ai mes Erzenit dhe Veleçikut.
Në grupin B, me Luftëtarin të përjashtuar nga gara, detyrohet të qëndrojë pushim edhe Turbina. Në plan për sot janë dy përballje të tjera, mjaft interesantë duhet thënë. Lushnja pret skuadrën e Tomorit, kurse në Pogradec vendasit përballen me Egnatian e ndërtuar si pretendente për ngjitjen në Superiore. Dy sfida për t’u parë.
