Kepa Arrizabalaga vendos të largohet nga Chelsea, për të mos humbur Kampionatin Europian.
Sipas medieve angleze, portieri spanjoll është bindur të pranojë largimin në formë huazimi vetëm që të aktivizohet më shumë.
26-vjeçari u transferua në Londër dy vjet më parë nga Athletic Bilbao për 80 milionë euro, por te “blutë” e Londrës rezultoi një dështim total.
Rendimenti i tij jo i mirë detyroi Chelsea të blinte Edouard Mendy, i cili ka rrëmbyer “skenën” duke treguar aftësitë e tij dhe duke dhënë siguri në prapavijë.
Me këtë situatë dhe me këto kushte, Kepa mund të ndryshojë fanellë në merkaton e janarit, por paga e tij prej 8.8 milionë eurosh në sezon i tremb jo pak ekipet e tjera.
