Tërmeti i fundit në Itali ishte vërtet i fuqishëm dhe videoja tregon se malet ‘tunden’ dhe fortë madje.Kjo video është postuar në rrjetin social Facebook, nga disa gjuetarë që ishin në malin Carrier.
Epiqendra e tërmetit të së dielës u regjistrua në Norcia, pranë Peruxhias, por preku të gjithë rajonin e Umbrias dhe lëkundjet u ndjenë deri në Romë.
Fatmirësisht nuk raportohet asnjë viktimë pasi shumë prej banorëve ishin larguar nga shtëpitë prej disa ditësh. Të paktën dhjetë persona u plagosën, por asnjë nuk është në rrezik për jetën.
Sipas qendrës së sizmologjisë në Itali, epiqendra ishte në një thellësi prej 10 km. Sizmiologët thanë se lëkundjet ishin më të forta se ato që shkatërruan Amatricen dhe Accumolin mëngjesin e 24 Gushtit, duke shkaktuar rreth 300 viktima.
