Basha tregon me fakte: Rama bëri politikë me vdekjet, ka fshehur numrin e personave që kanë humbur
Kryetari i PD, Lulzim Basha, i ka bërë thirrje prokurorisë të shkojë në morg dhe të marrë evidencat e plota të vdekjeve me Covid, pasi sipas tij po fshihen nga qeveria.
I ftuar në ‘Opinion’ Basha deklaroi se që prej fillimit qeveria po fsheh vdekjet dhe po bën politikë me to.
Ndërkohë ai theksoi se në Shqipëri bëhen shumë pak testime dhe se numri i të infektuarve është shumë më i lartë.
‘I bëj thirrje Prokurorisë nga studio e Opinion që të shkojë në morg të marrë evidencat e plota, të vërtetojë që po bëhet politikë me të vdekurit. OBSH rekomandon 10 testime për çdo të infektuar. Me këtë standard, Shqipëria duhet të bënte të paktën trefishin e testimeve që bën sot. Numri i ulët i testimeve është përgjegjësia e parë dhe kryesore e qeverisë në dështimin me pandeminë. Mungesa e testimeve ka sjellë daljen jashtë kontrolli të infeksionit. 10% e të infektuarve janë të prirur që brenda javës të kenë nevojë për trajtim spitalor. Duke testuar sipas standardeve, planifikohen më mirë kapacitetet’, tha Basha.
