Një situatë e papritur ka ndodhur te skuadra e Kukësit. Në prag të sfidës ndaj Teutës në kampionat, lojtarët e klubit verilindor kanë refuzuar të marrin pjesë në seancën stërvitore.
Ashtu siç shkruan “Procesi Sportiv”, arsyet e këtij vendimi janë problemet me pagat. Skuadra verilindore ka bërë një nisje të dobët të sezonit teksa i ka humbur të dyja takimet e para në kampionat dhe mesa duket problemet janë më të thella se thjesht forma sportive.
Kukësi bojkoton stërvitjen. Lojtarët pa paguar nuk pranojnë të dalin në stërvitje duke qëndruar të ulur në fushë.
Nëse deri të shtunën nuk ka pagesa në kampionat futet skuadra e të rinjve.- shkruhet në faqen zyrtare të emisionit “Procesi Sportiv.”
