Rreth 1 kg kokainë është sekuestruar nga policia e Lezhës, që ka arrestuar një grua 50 vjeçe, ndërsa ka shpallur në kërkim ish-bashkëshortin e saj.
V.P. u vu në pranga, ndërsa u shpall në kërkim D. M., 52 vjeç, i dënuar më parë për vjedhje, i cili ishte me masë sigurie “Arrest në shtëpi, për veprën penale “Prodhimi dhe shitja e narkotikëve”.
“Mbi bazën e informacioneve të siguruara së në Ishull, Lezhë, këta shtetas posedonin lëndë narkotike, shërbimet e Policisë kanë ndërhyrë në servisin në pronësi të shtetasit D.M., që ishte i përshtatur si banesë për ish-bashkëshorten V.P. Gjatë kontrollit të ushtruar në këtë ambient, shërbimet e Policisë gjetën dhe sekuestruan 1.184 kg lëndë të dyshuar kokainë dhe një peshore elektronike”, njoftoi policia.
Materialet iu referuan për veprime të mëtejshme, Prokurorisë së Rrethit Gjyqësor Lezhë, për veprën penale “Prodhimi dhe shitja e narkotikëve” e kryer në bashkëpunim, shtuan të njëjtat burime.
