U luajtën mbrëmjen e sotme disa sfida tepër të rëndësishme në Ligën e Kombeve.
Italia arriti të fitonte me rezultatin e pastër 2-0 ndaj Bosnje Hercegovinës, duke siguruar vendin e parë në grupin 1 të Ligës A në Ligën e Kombeve, ndërsa boshnjakët zbritën në Ligën B. Autorët e golave për azurrët ishin Andrea Belottti (22) dhe Domenico Berardi (68).
Fitore arriti edhe Hollanda që mposhti me përmbysje 2-1 Poloninë në transfertë. Gjithsesi një fitore që shërben për statistikë pasi “tulipanët” e mbyllin këtu aventurën në Ligën e Kombeve.
Detyrën bën edhe Anglia me Belgjikën, që fituan respektivisht ndaj Islandës dhe Danimarkës. “Tre Luanët” mposhtën me rezultatin e thellë 4-0 islandezët, ndërsa belgët fituan me rezultatin 4-2 ndaj danezëve. Në këtë grup ishte Islanda që zbriti në Ligën B.
Italia dhe Belgjika janë dy skuadrat e tjera që i bashkohen Francës dhe Spanjës për “Final 4” të kompeticionit.
Rezultatet e javës së fundit në Ligën e Kombeve:
