Pronari i një lokali në Poliçan është arrestuar, pasi akuzohet se organizonte lojëra fati nëpërmjet celularit.
“Nga specialistët e Seksionit për Krimet u bë arrestimi në flagrancë i shtetasit Xh.L., 46 vjeç, banues në Poliçan, pasi është kapur në ambientet e lokalit të tij duke ushtruar aktivitetin e lojërave të fatit online, nëpërmjet celularit. Në cilësinë e provës materiale u sekuestruan një sasi lekësh dhe një aparat celular”, njoftoi policia.
Materialet i kaluan Prokurorisë së Rrethit Gjyqësor Berat, për veprat penale “Organizim i lotarive të palejuara” dhe “Vënia në dispozicion e lokaleve për lojëra të pa lejuara”, shtuan të njëjtat burime.
