Erling Haaland është një nga sulmuesit e rinj më të kërkuar në merkato.
E ardhmja e sulmuesit të Borussia Dortmund është e lidhur me ofertat e ardhshme që janë të gatshme të bëjnë ekipet e mëdha të Europës për të siguruar shërbimet e tij.
Pre muajsh tashmë dhe para transferimit të tij në Bundesliga, Juventus dukej se ishte shumë afër futbollistit. Por tani duket se në garë do të futet edhe Inter-i, sipas calciomercatoneës.com.
Zbarkimi i tij në Milano mund të verifikohet nëse Lautaro Martinez do të largohet me të vërtetë nga klubi i Suning. Në atë pikë, Inter-i do të hidhej në sulm për norvegjezin.
Verdhezinjve do t’u ofrohej Christian Eriksen, i cili vlerësohet 35 milionë euro, dhe Milan Skriniar që vlen 40. Duke parë se të dy lojtarët pëlqehen shumë nga Dortmund, operacioni i bujshëm mund të marrë formë në javët e ardhshme.
