Gjykata e Shkallës së Parë Sarandë, ka ndryshuar masën e sigurisë nga arrest me burg, në arrest shtëpie për Bajram Tushën, 72-vjeçarin e akuzuar për abuzim seksual me të mitur.
Vendimi që i hapi dyert e qelisë të moshuarit është paraprirë nga tërheqja e prokurorisë nga akuzat e ngritura ndaj tij. Ajo ka ndryshuar akuzën nga abuzim seksual me të mitur, në ngacmim seksuale.
Kërkesa e 72-vjeçarit për ndryshimin e masës së sigurisë është mbajtur më 16 nëntor dhe është trajtuar si rast përjashtimor nga gjykata që ka pezulluar veprimtarinë për shkak të përhapjes së Koronavirusit.
Ka qenë gjyqtarja Suela Xhani, ajo që pas tërheqjes së prokurorisë i ka hapur derën e burgut të dyshuarit, të cilit një kërkesë e ngjashme i ishte rrëzuar në muajin korrik.
Në muajin prill, 72-vjeçari u akuzuar se kishte abuzuar seksualisht me një 17-vjeçare.
