Një 35-vjeçar është arrestuar nga policia e Pukës pasi akuzohet se ka tentuar të vrasë me thikë një 37-vjeçar pas një konflikti të çastit.
J.(K.) Gj., 35 vjeç, banues në Iballë, u vu në pranga për veprat penale penale “Vrasja me dashje” e mbetur në tentativë dhe “Mbajtja pa leje e armëve të ftohta”.
“Arrestimi i këtij shtetasi u bë pasi dyshohet se më datë 15.11.2020, pas një konflikti të çastit, ka tentuar të vrasë me thikë shtetasin A. Z., 37 vjeç, banues në Iballe. Këta shtetas kanë qenë duke konsumuar alkool në një tavolinë në ambientet e një lokali në fshatin Iballe. Pasi kanë dalë nga lokali janë konfliktuar dhe shtetasi J.(K.) Gj. e ka plagosur me thikë në trup shtetasin A.Z.”, njoftoi policia.
I plagosuri ka marrë mjekim në spitalin e Shkodrës dhe ndodhet jashtë rrezikut për jetën.
